Azkuek Bilboko Mintzaldi famatuan erabili zuen 1901an, 6.adibide hain zuzen, eta urte berean argitaratu zuen harmonizaturik, baina aurrez 1899 urteko Irailaren 15eko alean argitaratu zuen Euskalzale astekarian, ¨Euskalerriko kanta bat¨ izenez, eta bertso saileko bigarren bertsoarekin, ¨Ai nork leukezan urrezko orratza¨. Mariya liburuak Etxeberriatar P. dakar egiletzat, eta Boga Bogak eta Arratiaren Kantutegiak ere bai. Doinuaren aldaki interesgarria iruditu zait Buztarri bertsolari Markinakoak bere CD-an derabilena. (Iturria: WWW Xenpelar Dokumentazio Zentroa, https://bdb.bertsozale.eus/es/web/doinutegia/view/1677-adios-ene-maitia, 2025-01-31).

Moldatzaileak: Natalia Bellido Salcedo (pianoa eta teklatuak), Andoni Etxebeste Arriandiaga (bateria eta perkusioa), Koldo Soret Berregui (baxua, gitarra eta teknikaria), Amaia Gargallo Oyarbide (abeslaria), Santiago Banda Placeres (pianoa eta teklatuak), Imanol Gómez Alcón (baxua, perkusioa eta teknikaria), David Gil Cañón (teknikaria), Ines Irazu Arroyo (kopiatzailea), Eugenio Rubio Ubeda (kopista), Asier López Iraola (kopiatzailea), Iñaki Barrenetxea Garbizu (kopiatzailea) eta Joseba Roldan Aguado (diseinu grafikoa).