“Olentzero joan zaigu...” bertsoekin hasten den abesti herrikoi tradizionala euskal gabon kanta ezagunenetakoa da. Olentzero pertsonaia zehaztasunez deskribatzen du eta horren arabera osatu da egungo Olentzeroren irudi komunena.Olentzeroren laguna den Mari Domingik ere badu bere abestia. (Iturria: WWW Wikipedia, https://eu.wikipedia.org/wiki/Olentzero_joan_zaigu, 2025-02-04).

Olentzero solstizioarekin lotuta dagoen ospakizuna da lehenengo-lehenengo, nahiz eta gero Jesusen jaiotzaren mezulari izatera igaro. Eguberri inguruko sasoi osoaren ospakizuna azaltzeko ere bada. Erritu zehatz batzuen adierazle ere bada (Gabon-subila, eta abar). Jaso izan diren lekukotasunei begiratuz gero, Olentzeroren inguruko usadio eta ekandurik indartsuenak Nafarroako ipar-mendebaldean izan dira, Bidasoa ibaiaren ibarrean gehienbat. (Iturria: https://urtesasoiak.com/?page_id=57 (2025-03-11).

Moldatzaileak: Natalia Bellido Salcedo (pianoa eta teklatuak), Andoni Etxebeste Arriandiaga (bateria eta perkusioa), Koldo Soret Berregui (baxua, gitarra eta teknikaria), Amaia Gargallo Oyarbide (abeslaria), Santiago Banda Placeres (pianoa eta teklatuak), Imanol Gómez Alcón (baxua, perkusioa eta teknikaria), David Gil Cañón (teknikaria), Ines Irazu Arroyo (kopiatzailea), Eugenio Rubio Ubeda (kopista), Asier López Iraola (kopiatzailea), Iñaki Barrenetxea Garbizu (kopiatzailea) eta Joseba Roldan Aguado (diseinu grafikoa).