Dantza txinatarra Raimundo Sarriegiren “Inauteriak Donostian” bildumaren parte da. Raimundo Sarriegik konposatu eta A. Díaz y Cia argitaletxeak pianorako argitaratu zuen 1898an (23. zk). Donostiako inauteriak musika, tradizioa eta komunitatea uztartzen dituen ospakizuna da. Bertan, Raimundo Sarriegiren figurak leku nabarmena du. 1838an jaio zen Egia auzoan, eta hiriko kulturan errotutako ondarea utzi zuen. Gaztetatik musikarekiko zaletasun handia erakutsi zuen eta Jose Juan Santesteban maisuarekin trebatu zen. Bere lanik ospetsuena Donostiako Martxa da, 1861ean konposatua. Denborarekin, hiriaren eta danborradaren ereserkia bihurtu zen, hiriko jairik enblematikoena. Gainera, pieza ugari konposatu zituen Donostiako Inauterietarako. Zarzuelak eta koru-lanak ere idatzi zituen. Tradizio musikal honi jarraituz, Joxemari Oiartzabal erreferente bihurtu da. Euskal musika tradizioko pieza askoren instrumentazioa egin du. Bere lanarekin, Sarriegiren herentziarekin lotu du bere obra, eta inauterietako soinu nortasuna bizirik mantentzen lagundu du. Andoainen jaio zen eta, 1986an, tronpeta katedra lortu zuen. Tronpeta irakaslea eta Donostiako Goi Mailako Musika Kontserbatorioko Banda eta Orkestrako zuzendaria izan zen.