Lan honen helburu nagusia didaktikoa da. Ezin da moduera edo tonuera erabili, konposizio-lanetan, hotsen antolakuntza horien jatorria eta ezaugarriak ezagutu gabe; eta hori da orain arte niri gertatu zaidana. Horregatik, lan honen helburu behinena honako hau da: Erdi Aroko musika-adierazpenen barne-antolakuntza ulertu ahal izateko, beharrezkoa den gai didaktikoa ikasleen esku jartzea. Lan honen bidez bigarren helburu-multzo bat ere lortu nahi dut: ikasleei Erdi Aroko musika ezagutzeko aukera ematea: musika-adierazpen horiek ulertu ahal izateko eta balioztatzeko gutxieneko irizpide teknikoak ematea.